Belén

A Capela da Mercé, abre as súas portas en Nadal para ensinar o Belén realizado por primeira vez este ano.
O horario sera de 19.30 a 20.30 desde o 23 de decembro ata o 4 de xaneiro.
Os días 24, 25,27,31 de decembro e 1,3, 5 e 6 será de 11.30 a 12.30
A entrada é de balde, pero os donativos que houbera serán doados integramente para unha familia necesitada da nosa cidade

Concerto de Nadal

O próximo 23 de decembro, ás 20.00 hs, teremos na nosa Capela da Mercé o concerto de Nadal. Nesta ocasión os invitados será o grupo "Concerto Tempo". Este grupo, fundado o 15 de setembro de 2006, está formado por mozos e mozas da nosa comarca de Ferrolterra. Nos seus concertos combinan o repertorio clásico de música coral do renacemento, barroco, contemporáneo, popular e folclórico con música de cine e perfomances. Estades todos invitados a asistir

Reunión Terzo da Mercé

O sábado, día 12 de decembro, ás 16.30 e no local da Confraría terá lugar a primeira reunión do Terzo da Mercé co novo organizador Vicente Rey Montero. Na devandita reunión tratáranse diversos aspectos para analizar o funcionamento do terzo e posibles melloras a introducir.

Nomeamentos

A Xunta Directiva da Confraría da Mercé realizou os seguintes nomeamentos:

• Organizadora do Terzo do Crucificado: Natalia Gómez Díaz
• Organizadora do Terzo do Redentor: Lara Fernández Quintía
• Organizador do Terzo da Mercé: Vicente Rey Montero
• Organizadora do Terzo Infantil: Ariadna Cotón Viña
• Mordomo da Mercé: Miguel Matín López
• Mordomo do Redentor: Manuela Paraños Alonso
• Organizador Xeral: Diego Fernandez Rodríguez
• Encargado da páxina web e do blog: Javier Medina López
• Encargada de Acción Social: María José Egea Rodríguez

Reunión Terzo do Crucificado

O venres, día 27 de novembro, ás 20.30 e no local da Confraría terá lugar a primeira reunión do Terzo do Crucificado coa nova organizadora Natalia Gómez Díaz. Na devandita reunión tratáranse diversos aspectos para analizar o funcionamento do terzo e posibles melloras a introducir.

Día internacional contra a violencia de xénero.

O 25 de novembro foi declarado Día internacional contra a violencia de xénero no Primeiro Encontro Feminista de Latinoamérica e do Caribe celebrado en Bogotá (Colombia) en xullo de 1981.

Foi elixido o 25 de novembro para conmemorar o asasinato violento das irmás Mirabal (Patria, Minerva e María Teresa), tres activistas políticas asasinadas o 25 novembro de 1960 pola policía segreda do dictador Rafael Trujillo na República Dominicana. Os seus corpos mutilados apareceron no fondo dun precipicio.

A violencia é unha violación dos dereitos humanos, é intolerable en calquera sociedade, e esixe que todos traballemos xuntos para garantir a integridade e a dignidade das mulleres. Convén polo tanto, ademáis do apoio ás mulleres víctimas da violencia, traballar xuntos para acabar con todos os abusos, asaltos e asasinatos que impiden unha convivencia pacífica. Asemade temos que esixir que eses comportamentos agresivos sexan perseguidos por todos os medios que unha sociedade democrática ten.

O teléfono de información e asesoramento xurídico ás mulleres víctimas da violencia de xénero é o 016

016

Di non á pornografía infantil

’Blogocampaña’ contra

a pornografía infantil

"Angels", "lolitas", "boylover", "preteens", "girllover", "childlover", "pedoboy", "boyboy", "fetishboy" ou "feet boy". Son algunhas das palabras que os pedófilos introducen nos buscadores para tratar de atopar imaxes de nenos vexados, maltratados, sexualmente agredidos, violados.

A Rede facilita a proliferación deste tipo de contidos, pero tamén pode ser un arma para loitar e gritar contra a pornografía infantil.